Sheeko gaaban: roobkii xooga
ahaa iyo qoyskii danyarada ahaa.
Sheekadeena maantay waxey ku
saabsantahay qoys beeraley ah oo ka koobnaayeen hooyo, aabe iyo labo gabdhood yaryar ah. Waxey ahaayeen dad
danyar ah oo geedaha jarjara kadibna u
iib geeya magaalada,
hadaba maalin maalmaha kamid ah waxey
aadeen tuulada si ay geedo u soo jarjaraan, waxaana jirtay dabeyl aad u xoogbadan, markaasey islaantii
waxey odeygeeda ku tiri, dabeyl xoog leh
ayaa jirtee inaga kaxeey aan isaga tagnee bari ayaan u soo laabaneynaayee, odaygii
ayaa waxa u uku yiri islaantiisi howsho waa ay nagu badantahayee aanu jar jarno
manta bari ayaana dhameystiri doonaa
inta dhiman. Islaantii waayahay ayeey ku
tiri odaygii.
maalintaas dabeysha waxaa sii dheereed roob aad u
xoogbadan oo duufaano lasocoto, islaantii ayaa odaygii ku tiri roobku wuu sii
adkaanayaa dhinaceena guriga aayuu usoo socdaa xaafaduna waa ay inaga
dheertahay ee aynu aadno caruurtii.
odeygii inta uusan jawaabin ayaa
geedkii uu jarayay dabeyl soo riday kadibna geedkii ayaa odeyga ku fadhiistay,
intaas kadib islaantii waa ay qeylisay oo waxay ku hadaaqaysay kaalaya I caawiya,
cid u imaatay ma aysan jirin, cabaar kadib ayeey kaligeed ka soo saartay
ninkeeda oo meyd ah.
markaas kadib ayaa dadkii tuulada
joogay u yimaadeen, oo waxey ku yiraahdeen waad u jeedaa ninkaadu waa meyd waa
uuna dhintayee orod caruurta u tag si aad ugu yaraan caruurtaada u badbaadsato.
islaantii waa ay ka dhago adeegtay oo waxey ku tiri, ninkeyga halkaan ugama tagi karo oo waxaa
cunaya xeywaanada, intii ay hadalada isdhaafsanayeen ayaa islaantii
ayadana geed ku soo dhacay, kadib dadkii
agjoogay ayaa geedkii kasoo hoos saareen waxa ayna u kaxeeyeen dhanka gurigeeda,
islaantiina halkaas ayeey naafo ku
noqotay.
Roobabka iyo dabeyshuna waa ay kasii
darayeen marba marka ka danbeyso, kadib islaantii ayaa u timid labadeedii gabdhood
ee yaraay oo aysan ladhalan wax wiil ah, aabihii ee nolasha ka eegan jireena uu
dhintay asagoo la rafanayo si uu u xakameeyo masaariftooda iyo noloshooda
aasaasiga ah, maadaama ay yihiin dad sabool ah.
hadaba hooyadii oo naafa ah oo
kursiga dadka naafada ah ku fadhiso, ayaa u yeertay gabadhii xoogaha weyneyd oo
waxey ku tiri Meesha ka wad cunugta yar roobka daadadkiiisa ayaa nagu soo
socdaan ee dusha sare taga adiga iyo inanta yar.
gabadhii waa ay diiday oo waxey ku tiri
hooyo halkaan kagama tageyno waan iswada raacaynaa ama waynu isla joogaynaa oo
anaga dhan daadku ha inawada qaado.
hooyadii ayaa aqbashay in ay is wada
raacaan oo dusha sare wada aadan, ayagoo dusha sare joogaan ayaa hadane biyihii
ugu soo galeen, lakiin waa uu dhaamay sidii hore.
hooyadii ayaa gabdhiidi markale waxa
ay ku tiri orod inanta yar Meesha ka saar biyuhu waa uu soo badanayaahee, gabadhii ayaa hadane hooyadeed ku tiri hooyo
kaama tagayno ama waan isla dhimanaynaa ama waan isla badbaadeynaa.
hooyadii ayaa ku tiri hadaadan
warkeyga maqlin biyaha ayaan isku tuurayaa, markaaseey gabdhii ku tiri hooyo biyaha ha
isku tuurin wax kasto aad rabto waan sameynayaa. hooyadii ayaa ku tiri gabadheeda hadaba inanta
yar ka kaxeey mesha adegaana kugu ogahay inanta yar, hadii aan dhintana booska hooyanimo adaa u
galaya.
gabadhii oo naxsan kuna qasban amarka
hooyadeed ayaa inantii yareyd soo xambaartay, inantii yaredy ayaa oohin
bilaawday ayadoo dhaheysa hooyo kama tagayo, inantii weyneyd ayaa ku tiri
anigaba ma doonayn in aan hooyo ka tago ee qasab bay nagu tahayee ina keen.
hooyadii ayaa oohintii inanteedii
yareyd u adkeysan weyday, waxeyna ku tiri waan idin raacayaa ee ii keena wax
aad I saartaan, gabadhii ayaa u keentay
baaskiil oo lahaan jiray aabaheed hooyadiina iyo caruurtiiina waa ay
iswadaraaceen dhamaantooda halkaas ayeey
ku wada badbaadeen.
Akhristayaal sheekadaan side u
aragtaan fadlan waad nala wadaagi kartaa hadii aad hayso qormo xiiso leh
mahadsanid.